Paşinyan təsdiqlədi: Erməni qadınlar əsgər gedir

Ermənistan ordusu əks cinsin nümayəndələrinin hesabına genişlənəcək. Bu açıqlama ilə Ermənistanın baş naziri Nikol Paşinyan çıxış edib. 
Hökumət başçısı hərbi xidmətə yazılan erməni qadınlarının taleyinə aydınlıq gətirib.
Paşinyan bildirib ki, hərbi xidmətə yazılan qadınlar qarşıdan gələn qış çağırışı zamanı Ermənistan Silahlı Qüvvələrinin sıralarına qoşulacaqlar.
Xatırladaq ki, ötən ilin sonlarında Ermənistanın müdafiə naziri Suren Papikyan Ermənistan ordusunun sıralarında qadın batalyonlarının yaradılacağını və qadınların könüllülük əsasında orduda xidmətə başlayacağını bildirmişdi.
Qeyd edək ki, Ermənistanda kişilərin müddətli həqiqi hərbi xidmət dövrü 2 il olsa da, könüllülük əsasında hərbi xidmətə çağırılan qadınların xidmət dövrü isə 1 il təşkil edəcək.