Türkiyədə ağır yol qəzası oldu - 30 nəfər yaralandı

Türkiyədə ağır yol-nəqliyyat hadisəsi baş verib.

“Qafqazinfo” xəbər verir ki, bu barədə Anadolu Agentliyi məlumat yayıb.

Bildirilib ki, yol qəzası Afyonkarahisar rayonunda olub.

Ankara istiqamətində hərəkət edən sərnişin avtobusu evakuator və minik avtomobili ilə toqquşub.

Sərnişin avtobusunda olanlardan 30 nəfərin yaralandığı qeyd olunub.

Hadisə yerinə jandarma qrupları sövq edilib.