Rusiyada arıqlamağa kömək edən şərab icad edildi

Rusiyada arıqlamağa kömək edən şərab icad edilib.  

Unikal içkinin istehsalı üçün Rusiya Biotexnoloji Universitetinin alimləri hazır şərab materialını əsas olaraq götürüblər. Şərabın “Eurotium cristatum” göbələyi ilə fermentasiya olunması və bioloji əlavələrlə zənginləşdirilməsi sayəsində içki əlavə faydalı xüsusiyyətlər qazanıb.

Bu şərabın diabetə meylli insanlarda mədəaltı vəzinin vəziyyətini yaxşılaşdırdığı bildirilib. Şərabın həmçinin immuniteti gücləndirdiyi və ən əsası, artıq çəkisi olan insanlara arıqlamağa kömək etdiyi qeyd olunub.

Belə ki, içkidə istifadə edilən göbələk metabolik proseslərə təsir gücü sayəsində orqanizmdə yağların yandırılmasını sürətləndirir.

Üstəlik, bu şərabın adi şərabdan demək olar ki, heç bir fərqi yoxdur, öz kəskinliyini, ətrini və dadını saxlayıb.

Mənbə: Oxu.az