Zelenski Londondan sonra Brüsselə getdi
Ukrayna Prezidenti Volodimir Zelenski Brüsselə səfər edib.
“Qafqazinfo” xəbər verir ki, Ukrayna lideri bu barədə özünün teleqram kanalında məlumat yayıb.
Zelenski Brüsseldə NATO-nun Baş katibi Mark Rutte, eləcə də Avropa Şurasının sədri Antoniu Koşta və Avropa Komissiyasının sədri Ursula fon der Leyen ilə birgə danışıqlar aparacağını yazıb.
O əlavə edib ki, bu anda tərəfdaşlarla əməkdaşlıq Kiyev üçün çox vacibdir.
Xatırladaq ki, dekabrın 8-də Ukrayna lideri bildirmişdi ki, Avropa və Ukrayna Rusiya ilə münaqişənin həlli üzrə sülh planının öz variantını hazırlayır.
