Estoniya təcrübəsi: Süni intellekt qanunvericiliyi necə dəyişdirəcək?
Estoniyanın ədliyyə və rəqəmsal texnologiyalar naziri Liyza-Li Pakosta hesab edir ki, deputatlar qanun layihələrinin hazırlanmasında və nəzərdən keçirilməsində süni intellektdən (Sİ) daha fəal istifadə edə bilərlər.
Oxu.Az xəbər verir ki, məlumatı "Yevropeyskaya Pravda" yayıb.
Nazirin sözlərinə görə, Sİ hüquqi mətnlərin mürəkkəbliyi səbəbindən yaranan məntiqsiz və absurd səhvləri müəyyən etməyə qadirdir.
"Bu, vasitələrdən yalnız biridir. Əsas problem ondadır ki, qanun layihələri çox vaxt o qədər mürəkkəb yazılır ki, hətta mütəxəssislər belə onların məzmununu tam başa düşmürlər", - deyə o bildirib.
Eyni zamanda, nazir Sİ-nin universal həll olmadığını vurğulayıb.
Onun sözlərinə görə, gələcək qanunlar daha başadüşülən və oxunaqlı olmalıdır və onu təkcə deputatlar deyil, həm də bütün ölkə sakinləri anlamalıdırlar.
