Həbsdə olan baş redaktor Habil Vəliyev sərrast cavabına görə Mehriban Əliyevaya təşəkkür etdi

Yeniekinci.az xəbər verir ki,Azərbaycan Respublikasının Ədliyyə Nazirliyinin 7 saylı cəzaçəkmə müəssisəsində 7 il həbs müddətinin 3-cü ilini dəmir barmaqlıqlar arasında keçirən Qarabağ müharibəsi veteranı,’’Yeni Əkinçi’’,’’Sabah News’’ qəzetlərinin təsisçisi və baş redaktoru,’’Bakitv.az’’ internet televiziyasının təsisçisi,ali təhsilli hüquqşünas,Yeni Azərbaycan Partiyasının Zəngilan rayon üzrə ilk təşkilat komitəsinin sədri,30 ilə yaxın müddətdə və həbs olunarkən də 125 saylı seçki dairəsinin məntəqə sədri,3 övlad atası Vəliyev Habil Allahverdi oğlu Azərbaycan Respublikasının Birinci vitse-prezidenti Mehriban Əliyevaya təşəkkür məktubu ünvanlayıb. 
Çox hörmətli Mehriban xanım!
Mən dəmir barmaqlıqlar arxasında olsam da,Azərbaycan xalqının prezidenti,dünya liderləri arasında birincilərdən olan xalqımızın böyük oğlu İlham Heydər oğlu Əliyev cənablarının yürütdüyü siyasəti bütövlükdə və hər zaman dəsdəkləyirəm.Son zamanlar xarici ölkələrdə gizlənərək dövlətimizin,dövlətçiliyimizin əleyhinə özlərinə yaraşan tərzdə qarayaxma kampaniyası aparan dırnaqarası ’’jurnalistlərə’’ verdiyiniz cavab məni bir daha ilhamlandırdı.
Əziz bacım Mehriban xanım!
Siz Emin Hüseynova verdiyiniz dolğun və sübut olunmuş  cavabınızla məndə yenidən azad həyata qayıdaraq yaşayıb-yaratmaq arzusunu ilhamlandırdınız.
Bəli,mən bu cavabı Mircəlal Paşayevin nəvəsi,Arif Paşayevin qızı,böyük siyasətçi Heydər Əliyevin gəlini,dəmir yumruqlu prezidentimiz İlham Əliyevin həyat yoldaşı,böyük gələcəyə bütöv Azərbaycanla gedəcək Heydər İlham oğlu Əliyevin anası,bacım Mehriban xanım Əliyevadan gözləyirdim.
Çox hörmətli Mehriban xanım!
Mən sizi səmimi qəlbdən təbrik edirəm,fikirləriniz hər zaman qəti,cavablarının hər zaman dolğun,
ədalətiniz hər zaman zəfər çalsın.