Kaşif Kozinoğlunun ölümü ilə bağlı üç nəfər həbs edildi

2011-ci ildə Silivri Həbsxanasında vəfat edən keçmiş Milli Kəşfiyyat Təşkilatı (MİT) əməkdaşı Kaşif Kozinoğlunun ölümü ilə bağlı yenidən başladılan istintaq çərçivəsində üç şübhəli həbs edilib.

“Qafqazinfo” Türkiyə mətbuatına istinadən xəbər verir ki, Silivri Baş Prokurorluğunun apardığı istintaq çərçivəsində saxlanılan 9 şübhəlinin məhkəmə prosesi başa çatıb.

İfadələri alındıqdan sonra üç şübhəli həbs tələbi ilə məhkəməyə göndərilib və barələrində həbs qərarı çıxarılıb.

Daha üç şübhəli barəsində xaricə çıxış qadağası və imza atmaq öhdəliyi, digər üç nəfər barəsində isə yalnız xaricə çıxış qadağası olmaqla məhkəmə nəzarəti tədbiri tətbiq edilib. Şübhəlilərin məhkəmədəki prosesi davam edir.