Azərbaycanda yeni fındıq zavodunun işə düşəcəyi vaxt açıqlanıb

Yeni mövsümdə, 2022-ci ilin yayında Azərbaycanın "Agrarco" şirkəti yeni fındıq istehsalı zavodunu istismara verəcək.

Bunu şirkətin direktoru Cavid Kazımov deyib.

Onun sözlərinə görə, koronavirus pandemiyası ilə əlaqədar podratçılar bir sıra problemlərlə üzləşdi və bütün bunlar zavodun işə düşməsi üçün lazımı avadanlıq və digər qurğuların tədarükünün ləngiməsinə səbəb oldu.

"Biz indi sınaq işləri keçiririk. Artıq müəyyən həcmlər emal olunur. Biz yeni müəssisənin tikintisi üçün investisiya qoymuşuq. Həmçinin, aktivləşdirilmiş kömür istehsalı sahəsində əlavə istehsal gücünün tətbiq olunması planlaşdırılır. Bunun üçün artıq müəyyən ərazi var, biz yaxın zamanlarda orada istehsala başlayacağıq", - C.Kazımov deyib.

Qeyd edək ki, "Agrarco" Zaqatala rayonunda yerləşir.