Əfqanıstanda məscid partlayışında ölənlərin sayı artıb

Əfqanıstanın qərbindəki Herat əyalətində məsciddə törədilmiş partlayış nəticəsində həlak olanların sayı 28 nəfərə çatıb.

Hadisə Quzara şəhərində baş verib.

Yaralananların sayı isə 45 nəfərə çatıb. Bundan əvvəl 18 nəfərin öldüyü, 21 nəfərin xəsarət aldığı bildirilmişdi.

Partlayış məscidin çıxışında cümə namazından sonra baş verib. Həlak olanlar arasında məscidin imamının da olduğu deyilir.