“Məktəblilərin Xarıbülbül Düşərgəsi” uğurla baş tutub

Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin “Şuşa ili” çərçivəsində elan etdiyi xüsusi qrant müsabiqəsinin qaliblərindən olan “Karvan” gənclərin inkişafına dəstək ictimai birliyinin təşkilatçılığı ilə “Məktəblilərin Xarıbülbül Düşərgəsi” uğurla baş tutub.

Düşərgəyə şəhid övladları, Şuşa məktəbliləri və digər məktəblərdən olan şagirdlər qatılmışdır. Məktəblilər Şuşa ilə yaxından tanış olaraq, Şuşanın tarixi, işğaldan sonrakı sürətli inkişaf haqqında məlumatlar almışlar. Eləcə də, asudə vaxtlarının səmərəli təşkili üçün müxtəlif əyləncəli və intellektual oyunlar keçirilmiş, məktəblilərdə mühəndislik vərdişlərinin formaşaldırılması üçün xüsusi hazırlanmış “Davinçi Qübbəsi”ni inşa etmiş, quş yuvaları düzəldərək təbiətə yerləşdirmişlər.

Sonda düşərgə iştirakçıları belə gözəl təşəbbüs üçün hər kəsə təşəkkürlərini ifadə etdilər. İştirakçılar Şuşanın valehedici təbiətinin və bu anların onların daim xatirində qalacaqlarını və təşkilatçılara öz dərin təşəkkürlərini bildirmişlər.