“İsrail-Azərbaycan Şah-Dağ təşkilatı” Birləşmiş Ərəb Əmirliklərində nümayəndəliyinin rəhbəri təyin etdi
Körpə Elvinin anası: “Ona nəsə olsa, mən yaşaya bilmərəm, yardımsevər şəxslərə yalvarıram”
İlham Əliyev Asiyada Qarşılıqlı Fəaliyyət və Etimad Tədbirləri üzrə Müşavirənin baş katibini qəbul edib
Botanika İnstitutunun alimlərinin həmmüəllifi olduğu məqalə nüfuzlu beynəlxalq jurnalda dərc olunub
Prezident İlham Əliyev Hacıqabul rayonunda Şirvan suvarma kanalının təməlini qoyub
AŞF-nin baş katibi: “Bu il şahmatçılarımızın beynəlxalq yarışlarda qələbələri çox olub”
“Bu il şahmatçılarımızın beynəlxalq yarışlarda qələbələri çox olub”.
“Report” xəbər verir ki, bunu Azərbaycan Şahmat Federasiyasının (AŞF) baş katibi İlahə Qədimova deyib.
O, Ayan Allahverdiyevanın qələbəsinə çox sevindiyini bildirib:
“Azərbaycan xalqını Ayan Allahverdiyevanın İtaliyanın Montesilvano şəhərində 18 yaşadək şahmatçılar arasında keçirilən dünya çempionatında qızıl medal qazanması münasibətilə təbrik edirəm. Dünya çempionu olmaq böyük nailiyyətdir. Ayanın çemponluğuna şəxsən şahid oldum və buna çox sevindim. Onun oyununun keyfiyyəti çox yüksəkdir”.
“Çox sevinirəm ki, bu il qələbələrimiz çox olub. Yeniyetmə şahmatçılarımız Avropadan ölkəmizə neçə-neçə medal gətiriblər. Eləcə də qadın idmançılarımız beynəlxalq yarışlarda medallar qazandılar. Həmçinin digər şahmatçılarımız da dünya çempionatından medallarla qayıtdılar.
Ümid edirəm ki, şahmatçılarımız bizi gələcəkdə daha çox sevindirəcəklər”, - İlahə Qədimova əlavə edib.
Qeyd edək ki, A.Allahverdiyeva Montesilvano şəhərində 18 yaşadək şahmatçılar arasında keçirilən dünya çempionatında qızıl medal qazanıb. O, 11 oyunda 9,5 xal toplayaraq bütün rəqiblərini qabaqlayıb.
Yarışda 94 ölkədən 1 000-ə yaxın şahmatçı iştirak edib.