Ulu Öndərimiz Heydər Əliyevin layiqli davamçısı

  Ulu Öndərimiz Heydər Əliyevin layiqli davamçısı, cənab Prezidentimiz İlham Əliyevin diqqət və qayğısı sayəsində daxili işlər orqanları ölkədə cinayətkarlığa, onun transmilli növlərinə qarşı mübarizədə, asayişin və təhlükəsizliyin təmin olunmasında önəmli xidmətləri ilə seçilir- Könül Nəbizadə

    Azərbaycanın demokratik və bəşəri dəyərlərə sadiq müstəqil bir dövlət kimi formalaşmasına dünya birliyində layiqli yer tutmasına, Demokratik tərəqqi yolunu seçən, dünyəvi dəyərlərə əsaslanan, Şərq mentalitetini qorumaqla beynəlxalq təsisatlarla sıx işbirliyi quran, Azərbaycanın dünya birliyində öz yerini müəyyən etməsində Azərbaycan xalqının böyük oğlu, müstəqil Azərbaycan dövlətinin qurucusu, Azərbaycan siyasi, iqtisadi, hüquq sisteminin yaradıcısı, azərbaycançılıq ideologiyasının banisi, Azərbaycanda milli özünüdərk prosesinin başladıcısı və idarəedicisi xalqının dövlətçilik tarixində çox böyük yeniliklərə və  işlərə imza atmışUlu Öndər Heydər Əliyevin misilsiz xidmətləri hesabına nail olunmuşdur.

   Ulu Öndər Heydər Əliyevin idarəçiliyində humanizm prinsiplərinin prioritet istiqamət təşkil etməsi, insan hüquq və azadlıqlarının reallaşdırılması və yüksək səviyyədə müdafiəsinə hər cür şərait yaradılması dünyanın siyasi səhnəsinə artıq müstəqil dövlət kimi qədəm qoyan Azərbaycan dövlətçiliyinin mahiyyətində dayanan əsas məqamlardan birini təşkil edib. Azərbaycan Respublikasının öz müstəqilliyini əldə etməsindən sonra Ümummilli Liderimiz cənab Heydər Əliyevin rəhbərliyi altında sivil, demokratik dəyərlərə uyğun hüquqi dövlətin möhkəm, sarsılmaz təməlinin qoyulmasına yönəlmiş sistemli, geniş islahatlara başlanılmışdır. Bu islahatlar cəmiyyətin həyatının bütün istiqamətlərini əhatə etmiş və nəticədə dövlətimizin müstəqilliyi bütövlükdə bərqərar və dönməz olmuşdur. Bu gün ölkə prezidentimiz cənab İlham Əliyev tərəfindən dövlətimizin möhkəmləndirilməsi, inkişaf etdirilməsi istiqamətində bütün sahələrdə proqram səciyyəli islahatlar uğurla davam etdirilir.

1918-ci il iyulun 2-də müstəqil Azərbaycanın polis orqanları yaradılıb. Həmin tarixdən bu günə qədər şərəfli yol keçən asayiş keşikçiləri böyük uğurlar əldə edib. Ulu Öndər Heydər Əliyevin rəhbərliyi altında respublikamızın iqtisadi, sosial və digər sahələrdə böyük naliyyətlər qazandığı 1970-1980-ci illəri Daxili Işlər Orqanları üçün əhəmiyyətli mərhələ kimi səciyyələndirmək olar. Həmin dövrdə daxili işlər orqanlarinin təşkilati və ideoloji cəhətdən möhkəmlənməsi ilə bağlı mühüm qərarlar qəbul edilmişdir. Sonrakı illərdə də bu mərhələ davam etdirilmiş və Ümummilli Liderimiz Heydər Əliyevin 1998-ci ildə imzaladağı fərmana əsasən iyulun 2-i Azərbaycanda Polisi Günü elan olunmuşdur.

Ulu Öndər Heydər Əliyev Azərbaycan polisinin dövlətçiliyimizin sadiq köməkçisi və qulluqçusu adlandırıb.

Ulu Öndər Heydər Əliyevin siyasətinin layiqli davamçısı cənab Prezidentimiz İlham Əliyev də Azərbaycan polisinin inkişafında çox mühüm qərarlar qəbul etmişdir. Dövlət başçısının təşəbbüsü ilə həyata keçirilən hərtərəfli islahatlar çərçivəsində daxili işlər orqanlarının müasirləşməsi üçün bütün lazımi tədbirlər görülüb. Nazirliyin strukturunun və normativ hüquqi bazasının təkmilləşdirilməsi, maddi-texniki təchizatının yaxşılaşdırılması, şəxsi heyətin sosial müdafiəsinin və demokratik cəmiyyətdə polisin rolu haqqında məlumatlandırma işləri həyata keçirilib. Azərbaycan polisi dövlətimiz müstəqilliyini bərpa etdikdən sonra onun qorunub saxlanılmasında, ölkədə ictimai sabitliyin təmin edilməsində və dövlətçiliyin möhkəmləndirilməsində xüsusi rolu var. Bu gün insanlar polisi özünə güvənc yeri hesab edir. Vətən müharibəsində qazanılmış tarixi zəfərdə polis orqanı əməkdaşlarının müstəsna xidmətləri olub.Azərbaycan Polisi birinci Qarabağ müharibəsində daim ön cəbhədə vuruşub,öz şücaət və qəhrəmanlıqlarını İkinci Qarabağ müharibəsində də göstəriblər. Azərbaycan polisi bəşəri və dövlətçilik ənənələrinə sadiq qalaraq gücləndirilmiş iş rejimində  sayqı və sadiqliklərini itirmədilər. Peşə fəaliyyətlərini layiqincə yerinə yetirib polis şərəfini hər şeydən üstün tutdular. Bu hərəkətləri ilə Azərbaycan polisi öz dövlətinə sədaqətdə ən yaxşı nümunə göstərmiş oldu.