Beynəlxalq Hüquq Eksperti İsmayıl Zalov: Azərbaycan Polisi, Avropa Polisinə Nümunədir! – FOTO+VİDEO

Polis dəyənəkləri indi də Avropada “işə düşdü

Avropa qitəsində:(Fransa,Almanya,İtalya,Norveç,İsveç,Avusturya,İspaniya ) Və diğər dövlətlərin DİN əməkdaşlarının sözdə vətəndaşlarına diqqət yetirdiyi və xidmət etdiyi reallığı əks etdirmir. Müşahidələrim əsasında onların yalnızca sözdə xidmət etdiyini və vətındaşlara zülm etdiyinin şahidi olmuşam. Şişirdilmiş şəkildə yerə göyə sığdırılmayan avropa polisinin sadəcə iktidara xidmət etdiyinin və vətəndaşları heçə saydığı danılmaz bir faktdır. Hər zaman bizlərə demokratik bir qitə olaraq göstərilən avropa qitəsi və dövlətləri, öz içində anti-demokratik yollarla sadəcə iktidar yanlısı qurumlarıyla özünü dünyaya rəzil edir. Turistlərə qarşı zorakılıq edir budur avropa polisi.Avropa polisi keçmişdə olduğu kimi bugündə öz çirkin əməllərindən əl çəkmir. Belə ki avropada qaldığım qısa müddətdə birdaha müşahidə etdim ki, avropa polisi günahsız vətəndaşlarına zülm edir,silah zoruyla öz çirkin əməllərinə alət edir.
Bütün bunlar bir daha göstərir ki, bir çox Qərb ölkələrində

Birincisi, dövlət-xalq münasibətlərində radikalizm meylləri, polis zorakılığı açıq şəkil alır.
İkincisi, iqtisadi kataklizmlər və resessiya siyasi və ictimai sabitliyin pozulmasına doğru aparır.
Üçüncüsü, demokratiya və insan hüquqları ilə bağlı illüziyalar dağılır, nasizm, millətçilik meylləri güclənir və multikultural dəyərlər sürətlə deqradasiyaya uğrayır.
Bu ölkələrin başqa regionlara, ölkələrə demokratiya ixrac etmək cəhdlərinin, öz maraqlarını təmin etmək naminə radikal dəyişikliklərə nail olmaq təşəbbüslərinin hansı nəticələr verdiyi isə yaxın Şərqin bir sıra ölkələrinin timsalında aydın görünür. Öz müşahidələrim nəticəsində birdaha deyə bilərəm ki, AZƏRBAYCAN HÜQUQ MÜHAFİZƏ ORQANLARI AVROPAYA NÜMUNƏDİR.
Polis gecə-gündüz xalqımızın və dövlətimizin keşiyindədir. Ölkəmizin ictimai-siyasi sabitliyini, insanlarımızın təhlükəsizliyini təmin edir. Vətəndaşlarımız gecə evində rahat yatanda, körpələrimiz beşiyində rahat uyuyanda polis əməkdaşları keşik çəkirlər, cinayətkarlığın qarşısını alırlar. Cinayət olan yerə polis gəlir, yanğın baş verərkən öz həyatlarını təhlükəyə atıb insanları xilas edir, köməyə ehtiyacı olanların qapısına ilk gedən polislər olur, yeməyini, cibinin pulunu belə küçədəki ehtiyacı olanlarla bölüşən də polis olur. Axı, necə polisi təhqir etmək, ona əşya atmaq olar? Polisi təhqir etmək, xidmətinə mane olmaq, ona xəsarət yetirmək məqsədilə əşyalar atmaq yolverilməzdir, qanunaziddir.
Ermənistanın hərbi təcavüzünə milli müqaviməti də ilk olaraq məhz polis orqanları təşkil ediblər. Azərbaycanın ərazi bütövlüyü uğrunda şiddətli döyüşlərdə 1695 polis şəhid olub, 1710 polis isə yaralanıb. Ümumilikdə respublikamızın suverenliyi və ərazi bütövlüyü uğrunda döyüşlərdə göstərdikləri fədakarlığa, dinc əhalinin təhlükəsizliyinin təminatında, cinayətkarlıqla mübarizədə, ictimai qaydanın və ictimai təhlükəsizliyin qorunmasında xüsusilə fərqləndiklərinə, xidməti vəzifələrini yerinə yetirərkən cəsarət göstərdiklərinə görə polis əməkdaşlarına Azərbaycan Respublikasının Milli Qəhrəmanı fəxri adı verilib, onlar “Azərbaycan Bayrağı” ordeni, müxtəlif orden və medallarla təltif ediliblər. Polislərimizin Vətən və xalq qarşısında xidmətlərini heç zaman unutmaq olmaz.
Polis gecə-gündüz xalqımızın və dövlətimizin keşiyindədir. Ölkəmizin ictimai-siyasi sabitliyini, insanlarımızın təhlükəsizliyini təmin edir. Vətəndaşlarımız gecə evində rahat yatanda, körpələrimiz beşiyində rahat uyuyanda polis əməkdaşları keşik çəkirlər, cinayətkarlığın qarşısını alırlar. Cinayət olan yerə polis gəlir, yanğın baş verərkən öz həyatlarını təhlükəyə atıb insanları xilas edir, köməyə ehtiyacı olanların qapısına ilk gedən polislər olur, yeməyini, cibinin pulunu belə küçədəki ehtiyacı olanlarla bölüşən də polis olur. Axı, necə polisi təhqir etmək, ona əşya atmaq olar? Polisi təhqir etmək, xidmətinə mane olmaq, ona xəsarət yetirmək məqsədilə əşyalar atmaq yolverilməzdir, qanunaziddir.

Dövlətin taleyi o zaman təhlükə altında ola bilər ki, onun gələcəyi barəsində fikirlər, ideyalar tükənsin. Dövlətin taleyi həm də o zaman təhlükə altında ola bilər ki, onun gələcəyi barəsində fikirlər, ideyalar olsun, lakin həmin fikir və ideyaları həyata keçirəcək hərəkətverici qüvvə, lider, rəhbər olmasın. Ölkəmizin bu günü və gələcək taleyi ilə bağlı ümummilli liderimiz Heydər Əliyevin əbədiyaşar ideyaları, habelə bu ideyalara sədaqətlə xidmət edən, yeni dövrün tələblərinə uyğun olaraq ona yeni çalarlar əlavə etməklə zənginləşdirən möhtərəm Prezidentimiz və Ali Baş Komandanımızın fəaliyyəti müstəqil Azərbaycan dövlətinin sarsılmazlığının və inkişafının qarantıdır. Praqmatik düşüncə tərzi, müasir dövlət idarəçiliyi prinsiplərini demokratik inkişafın Azərbaycan modelinə tətbiqetmə onun fəaliyyətini rövnəqləndirən cəhətlərdir.
Transmilli cinayətkarlıq, beynəlxalq terrorizm, narkobiznes və insan alveri XXI əsrin bəlalarıdır və bu baxımdan hüquq-mühafizə orqanlarının, o cümlədən də DİN və onun strukturlarının qarşısında yeni və çox mürəkkəb vəzifələr durur. Daxili İşlər Nazirliyi öz fəaliyyətini ictimai təhlükəsizliyin təmini, cinayətkarlığın qarşısının alınması, insan və vətəndaş hüquq və azadlıqlarının qorunmasına dair ümumdövlət prioritetlərinə, qanunun aliliyinə söykənən milli strategiya əsasında qurur. Qanunvericiliyin humanistləşdirilməsi, sosial-hüquqi nəzarətin səviyyəsinin artırılması şəraitində fəaliyyətinin səmərəliliyinin yüksəldilməsinə, habelə kriminogen duruma təsir göstərilməsi mexanizminə, informasiya-texnologiya vasitələrinin keyfiyyətcə yenidən qurulmasına dair proqram sistemli şəkildə, ardıcıllıqla həyata keçirilir. Qanunçuluğun, xidməti, icra və uçot-qeydiyyat intizamının, daxili təhlükəsizliyin möhkəmləndirilməsi, şəxsi heyətin peşəkarlığının artırılması məqsədilə zəruri tədbirlər görülür. Kriminogen durum daim izlənilməklə nəzarətdə saxlanılır. Əməliyyat mövqelərinin, informasiyanın dərin işlənilməsi və reallaşdırılmasının gücləndirilməsi yoluyla onun dəyişməsinə qabaqlayıcı, preventiv reaksiya göstərilməsi təmin edilir.
Cinayətkar aləm demokratik dəyərlərə xələl gətirilmədə daim artan hüquq-mühafizə təzyiqini hiss etməkdədir. Aparılan iş proqnozlaşdırılan nəticələri gətirir. Son illər ərzində Azərbaycan Respublikasında cinayətkarlığın azalması müşahidə edilir. Ağır cinayətlərin, qəsdən adamöldürmələrin, quldurluqların, azyaşlılar tərəfindən törədilən hüquq pozuntularının sayı aşağıdüşür.

Bu gün Azərbaycan DİN dövlətin müəyyənləşdirdiyi strategiyaya uyğun olaraq dünyanın, xüsusilə də Avropanın beynəlxalq polis strukturlarına inteqrasiya olunmaq yolunu tutub. İkitərəfli və çoxtərəfli əməkdaşlığın qurulması əldə olunan nailiyyətlərin rəhnidir. İndi Azərbaycan polisi BMT, NATO, Avropa İttifaqı, Avropa Şurası, ATƏT, Beynəlxalq Miqrasiya və İqtisadi Əməkdaşlıq Təşkilatı, MDB, habelə digər beynəlxalq təşkilatlarda yüksək səviyyədə təmsil olunur. Amma nə yazıq ki, cəmiyyətin demokratik inkişaf tendensiyası arzu etdiklərimizlə üst-üstə düşmür. Reallıq utopik sosializm və utopik kommunizmin uydurduğu “cinayətsiz cəmiyyət” ideyalarını rədd etsə də, bəzi xəyalpərvər qüvvələr, nöqsanlı və qərəzli düşüncə sahibləri hələ də cinayətkarlıq olmayan ölkə və cəmiyyət təfəkkürünün girovlarıdır. Hər kəs bilməlidir ki, cinayətkarlığın kökünü tamamilə kəsmək mümkün deyil. Amma cinayətkarlığa qarşı uğurla mübarizə aparmaq, kriminogen durumu nəzarətdə saxlamaq olar. DİN və onun strukturları məhz bu vəzifələrin öhdəsindən gəlməyi bacarırlar.

Bu gün Azərbaycan Polisi, Avropa polisinə nümunədir! Bu gün Azərbaycan polisi ən çüasir təchizatla təmin edilmiş, yüksək qabiliyyətli, vətənpərvər, Dövlətinə və Millətinə sadiq olan əməkdaşları ətrafında cəmləşdirmiş və bu şərəfli peşəni layiqincə yerinə yetirirlər. Hər bir Azərbaycan Polisi öz xidmətini böyük məsuliyyət və qürur hissi ilə icra edir. Azərbaycan dünya ölkələri arasında ictimai təhlükəsizliyə görə ilk sıralarda yer alır. Bunun nəticəsidir ki, bir çox mötəbər tədbirlərin, idman yarışlarının, beynəlxalq konfransların məkanı olaraq bir çox ölkələr arasından məhz Azərbaycan seçilir. Hüquq mühafizə orqanları günümüzdə özünəxas sistemi və struktur quruluşu ilə bir çox digər ölkələrin maraqını cəlb etmiş və Azərbaycan Polisindən nümunələnərək praktika yığmışdır. Azərbaycan Respublikasının prezidenti, Ali baş komandan cənab İlham Əliyev daim öz çıxışlarında Hüquq mühafizə orqanlarının, Azərbaycan polisinin, Azərbaycan ordusunun peşəkar fəaliyyətindən razılığını bildirmiş və yüksək qiymətləndirmişdir. Yaşasın Müstəqil Azərbaycan, Yaşasın Müzəffər Ali Baş Komandan, Yaşasın Azərbaycan Polisii!