“Qızıl kart” işə düşdü

ABŞ administrasiyası xarici investorları cəlb etmək üçün əlamətdar bir addım atıb.

“Qafqazinfo” xəbər verir ki, rəsmi olaraq istifadəyə verilən “Qızıl Kart” proqramı 1 milyon dollar investisiya qoyanlara sürətləndirilmiş “Green Card” imkanları təqdim edir.

İqtisadiyyatı stimullaşdırmaq məqsədilə elan edilən proqram “vətəndaşlığın artıq pulla alınıb-alınmayacağı” ilə bağlı müzakirələrə səbəb olub.

“Qızıl Kart” proqramı üçün müraciət haqqı 15 000 dollar, təsdiqləndikdən sonra investisiya məbləği isə 1 milyon dollardır.

Ərizə rədd edilərsə, 15 000 dollarlıq ödəniş geri qaytarılmır və ABŞ xəzinəsinə köçürülür.

Qeyd edək ki, proqram ilk dəfə elan edildikdə, investisiya məbləği 5 milyon dollar idi, lakin müraciət sayının az olması və tənqidlər səbəbindən 1 milyon dollara endirildi.