Xəbər Lenti
Dün, 08:53
Sənədsiz ev sahiblərinin DİQQƏTİNƏ: Qeydiyyat üçün portalın hazır olacağı tarix AÇIQLANDI
15-05-2024, 09:16
Rusiya XİN: “Postsovet məkanında bütün məsələlər qonşular arasında birgə həll edilməlidir”
14-05-2024, 08:38
İlham Əliyev ATƏT-in fəaliyyətdə olan sədrinin başçılıq etdiyi nümayəndə heyətini qəbul edib
14-05-2024, 08:35
Salam verəndə də siqnal, söyüş söyəndə də: Yolların həsrət qaldığı sürücü mədəniyyəti
13-05-2024, 11:18
Botanika İnstitutunda Ümummilli Lider Heydər Əliyevin 101 illiyinə həsr olunmuş “DÜNYAMIZI YAŞILLAŞDIRAQ” mövzusunda konfrans keçirilib
“Özünü qurban rolunda göstərirdi...” - Putinin bədən dili nə deyir?
Rusiya Prezidenti Vladimir Putinin Krımın ilhaqının 8-ci ildönümü ilə bağlı Moskvada “Lujniki” arenasında keçirilən mitinqə qatılması və oradakı çıxışı Qərb mediasında xeyli müzakirələrə səbəb olub. Ukraynadakı əməliyyatın məqsədinin insanları soyqırımından qurtarmaq olduğunu vurğulayan Putin, hətta müqəddəs “İncil” kitabından sitat da gətirib.
Dünyaca məşhur bədən dili mütəxəssisi Cudi Ceyms (Judi James) Putinin məlum tədbirdə bədən dilini şərh edib.
Mütəxəssis qeyd edib ki, Putin özünü “duyğusal, məntiqli və vətənsevər insan” kimi təqdim etməyə çalışıb. Ceyms, Putinin şüarlar səsləndirilən zaman çıxışını saxlamasını duyğusal vəziyyət yaratmaq istəməsi ilə əlaqələndirib.
Qurban rolunda
Putinin “İncil”iki dəfə sitat gətirdiyini deyən Cudi Ceyms, Rusiya liderinin az qala göz yaşlarına boğularaq danışdığını vurğulayıb. Putinin özünü qurban rolunda göstərdiyini və bunun işə yaradığını bildirən bədən dili mütəxəssisi fikirlərinə belə davam edib: “Dramatik anlarda üz ifadəsi üzgün bir hal alır və qaşları çatılırdı. Dodaqlarını geri çəkir və hüzünlü görünürdü. İştirakçılardan istədiyi cavabı almış kimi görünürdü, çünki onu dəstəkləyir və “Rusiya” deyərək şüarlar səsləndirirdilər”.
İtalyan gödəkçəsi
Rusiyalı liderin geyindiyi “Loro Piana” markasından olan gödəkçə həm qiymət, həm də İtaliya brendi olmasına görə tənqid olunub. 1,5 milyon rubl (12 min dollar) dəyərində olan gödəkçənin qiymətinin orta statistik bir Rusiya vətəndaşının gəlirinin 25 qatı olduğu bildirilir.