Qrenlandiya rəsmisi adanın satışı ilə bağlı açıqlama verdi

"Qrenlandiyanın ABŞ-nin nəzarətinə keçmək ehtimalı ilə bağlı istənilən müzakirələr qəbuledilməzdir".

Oxu.Az-ın xəbərinə görə, bu barədə Qrenlandiya parlamentinin vitse-spikeri Bentiarak Ottosen "RİA Novosti"yə müsahibəsində bildirib.

"Qrenlandiya satılmır. Qrenlandiyalılar, Qrenlandiyadakı və Danimarkadakı vətəndaşlar üçün vəziyyət çox çətindir", - deyə Ottosen qeyd edib.

Onun sözlərinə görə, ABŞ tərəfindən səslənən bu cür bəyanatlar sakinlər arasında ciddi narahatlıq doğurur, onların çoxu xarici nəzarətdən ehtiyat edir.

O vurğulayıb ki, adanın gələcəyi yalnız onun əhalisi tərəfindən müəyyən edilməlidir.