Ailəsi ilə Ağdam şəhərinə qayıdan Fazilə Novruzova: "Anamla çıxdığımız torpağıma anamsız dönmək qismət oldu"

"30 ildən sonra doğma yurdumuza qayıtmaq çox gözəl bir hissdir".

Oxu.Az xəbər verir ki, bunu Ağdam şəhərinə köç edən Fazilə Novruzova deyib.

O bildirib ki, Ağdamdan məcburi köçkün düşəndə 23 yaşı olub:

"1993-cü ildə Ağdamdan didərgin düşmüşük. Mənim o vaxt 23 yaşım var idi. Orada işləyirdim. Hər şey çox gözəl idi. Hər işimiz nizamlı, qaydasında idi. Gəlib Bakıda məskunlaşmışdıq. Anamla çıxdığımız torpağıma anamsız qayıtmaq qismət oldu. Anam rəhmətə gedib. Övladlarımla birlikdə üç nəfər bu gün yurdumuza qayıdırıq.

Bu günləri bizə yaşadan ölkə rəhbərimizə təşəkkürümü bildirirəm".

Aygün Mirakif