Ticarətdən birgə istehsala: Azərbaycan və Mərkəzi Asiya arasında yeni iqtisadi model
“Heydər Əliyev - Azərbaycan fenomeninin uydurulmamış tarixi” kitabı xarici müəllifin Azərbaycan həqiqətlərinə baxışıdır
Gürcüstanla sərhədin delimitasiyası və demarkasiyası üzrə Dövlət Komissiyasının - Yeni tərkibi
TƏBİB – insan sağlamlığına və vətəndaş məmnunluğuna xidmət edən mühüm səhiyyə qurumu
“SABAH.city”də AzTU-nun süni intellekt əsaslı mühəndislik təhlükəsizliyi mərkəzi yaradılacaq
“Kristal Abşeron” MTK-dan yenə də ŞİKAYƏT VAR! – Sakinlərin sualı cavabsız qalır – İDDİA
Dəhşətli qəzadan əvvəl dəfələrlə video paylaşıbmışlar...
Oktyabrın 12-nə keçən gecə Masazırda motosikletin iştirakı ilə baş vermiş ağır yol qəzasında həlak olan 2 gəncin yeni görüntüləri yayılıb.
“Qafqazinfo” xəbər verir ki, həmin gənclərin paylaşdığı görüntülərdən onların motosikleti təhlükəli və sürətli formada idarə etdikləri məlum olur.
Bildirilib ki, onlar daha çox Bakı-Sumqayıt yolunda videolar çəkərək paylaşıblar. Gənclərin qəzaya düşdüyü ərazidən də daha əvvəl video paylaşdığı qeyd edilib.
Xatırladaq ki, dəhşətli qəza oktyabrın 11-i saat 20:40-da Abşeron rayonu, Duz gölü kənarında Masazır kəndindən Novxanı istiqamətində gedən yolda baş verib. Hər iki gənc hadisə yerində həlak olub.
“Kia Rio” markalı avtomobillə toqquşan motosikletdə ölən şəxslərin 2005-ci il təvəllüdlü Məlikov Allahverən Rasim oğlu və 2007-ci il təvəllüdlü Yusifzadə Fərid Zamin oğlu olması müəyyənləşib.
Motosikleti idarə edən A.Məlikovun sürücülük hüququ olmayıb.
Faktla bağlı Abşeron RPİ-nin İŞ-də Cinayət Məcəlləsinin 263.3-ci maddəsi ilə cinayət işi başlanılaraq istintaq aparılır.
