Ərdoğan Almaniya Kansleri ilə Rusiya-Ukrayna böhranını müzakirə edib

Türkiyə Prezidenti Rəcəb Tayyib Ərdoğan ilə Almaniya Kansleri Olaf Şolts arasında telefon danışığı olub.

Bu barədə Türkiyə Prezidenti Administrasiyasının Kommunikasiya İdarəsindən bildirilib.

Məlumata əsasən, danışıq zamanı başda Türkiyə-Almaniya münasibətləri və Rusiya-Ukrayna böhranı olmaqla regional məsələlər müzakirə edilib.

Prezident Ərdoğan Türkiyə ilə Almaniya arasında əlaqələrin gücləndirilməsinin və bütün səviyyələrdə sıx əməkdaşlığın davam etdirilməsinin vacibliyini vurğulayıb.

Türkiyə Prezidenti, həmçinin Ukraynada müharibəni bitirmək üçün səylərini qətiyyətlə davam etdirdiklərini bildirib.