Yanvar-noyabr aylarında DSMF xərcləri 8 faiz artıb

Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondunun (DSMF) gəlirləri 2022-ci ilin 11 ayında proqnozla müqayisədə 1,3 faiz və ya 63 milyon manat artaraq 5 milyard 118 milyon manat olub.

Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, yanvar-noyabr aylarında Fondun xərcləri ötən ilin müvafiq dövrü ilə müqayisədə 8 faiz və ya 355 milyon manat artaraq 4 milyard 798 milyon manat təşkil edib.

DSMF-yə sosial sığorta daxilolmaları 11 ayda proqnozla müqayisədə 4,2 faiz və ya 165 milyon manat artaraq 4 milyard 79 milyon manat olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin