“İrandan sonra Kuba ilə məşğul olacağıq”
“İrandan sonra Kuba ilə məşğul olacağıq”.
“Qafqazinfo” xəbər verir ki, bunu ABŞ Prezidenti Donald Tramp Ağ Evdə, Oval Ofisdə keçirilən tədbirdən sonra jurnalistlərin suallarını cavablandırarkən deyib.
O, Kuba hakimiyyətinin zəiflədiyini bildirib, İran məsələsindən sonra Kubaya da diqqət ayıracaqlarını söyləyib.
Tramp Kuba hakimiyyətinin demək olar ki, tamamilə dağıldığını iddia edib və ABŞ-nin Kuba xalqına yardım etmək istədiyini vurğulayıb.
ABŞ Prezidenti bildirib ki, kubalıların dəstək gözləntiləri var və Vaşinqton bu məsələni diqqətdə saxlayır.
“Orada vəziyyət bir növ çöküb. İran İslam Respublikası ilə işimizi bitirdikdən sonra bu məsələ ilə də məşğul olacağıq. Mən eyni vaxtda bir neçə iş görməyi sevmirəm. Geri qayıdarkən Kubada qısa bir fasilə edəcəyik”, – deyə Tramp qeyd edib.
Tramp həmçinin ABŞ administrasiyasının Migel Diaz-Kanelə qarşı tətbiq etdiyi yeni sanksiyaların təsirli nəticələr verəcəyinə inandığını bildirib.
