Papa XVI Benediktlə vidalaşmaq üçün ötən gün Müqəddəs Pyotr kilsəsində izdiham yaşanıb

Dekabrın 31-də vəfat edən Papa XVI Benediktlə vidalaşmaq üçün ötən gün 65 minə yaxın insan Vatikandakı Müqəddəs Pyotr kilsəsini ziyarət edib.

AZƏRTAC xəbər verir ki, məlumatı Vatikanın Jandarma Qüvvələri yayıb.

Bildirilib ki, Vatikan rəhbərliyi gün ərzində təxminən 30-40 min ziyarətçinin məscidə gələcəyini proqnozlaşdırmışdı.

Qeyd edək ki, Papa XVI Benediktin cənazəsi cümə günü keçiriləcək dəfn mərasiminədək katolik dünyasının əsas kafedral kilsəsində olacaq.

© Materiallardan istifadə edərkən hiperlinklə istinad olunmalıdır