Bayram günlərində leysan olacaq

“Qarşıdan gələn bayram günlərində  ölkə ərazisində hava şəraitinin əsasən yağmursuz keçəcəyi, lakin bəzi  dağlıq və dağətəyi rayonlarda arabir yağış yağacağı, şimşək çaxacağı, dolu düşəcəyi, çaylarda sululuğun artacağı ehtimalı var”.

Bunu “Qafqazinfo”ya Milli Hidrometeorologiya Xidmətinin rəisi Nazim Mahmudov bildirib.

N.Mahmudov bölgələrə səfər edəcək vətəndaşlara tövsiyə verib:

“Vətəndaşlara tövsiyə edirik ki. hava məlumatlarını və hava ilə bağlı xəbərdarlıqları diqqətlə izləsinlər. Səyahət planlarını hava proqnozlarına uyğun qursunlar. Xüsusilə magistral avtomobil yollarında əlverişsiz havada daha diqqətli olsunlar, təhlükəsizlik qaydalarına ciddi əməl etsinlər”.