Donuz ürəyi köçürülən ikinci xəstə də ÖLDÜ

Dünyanın ikinci donuz ürək transplantasiyası xəstəsi Lourens Favkett ABŞ-də vəfat edib.
Bu barədə ABŞ-nin Merilend Universitetinin Tibb Mərkəzi bəyanat yayıb. 
Xəstənin son mərhələ ürək çatışmazlığından əziyyət çəkdiyi qeyd edilir. O, donuz ürəyinin transplantasiyasına razılıq verib, bundan sonra o, təxminən altı həftə yaşayıb. 
“Böyük kədər hissi ilə dünyada ikinci geni dəyişdirilmiş donuz ürəyi transplantasiyası əməliyyatı keçirmiş, terminal ürək xəstəliyi olan 58 yaşlı Lourens Favktt-in vəfatını elan edirik”, - bəyanatda qeyd olunub.