Cüdoçularımız “Masters” turnirini 3 medalla başa vurublar

İsraildə keçirilən “Masters” turnirinin son günündə Azərbaycan komandası daha bir medal qazanıb.

AZƏRTAC xəbər verir ki, cüdoçumuz Zelim Kotsoyev (100 kq) Birləşmiş Ərəb Əmirlikləri təmsilçisi Cafar Kostoyevə qalib gələrək bürünc medala sahib olub.

Bununla da komandamızın qazandığı medalların sayı üçə çatıb. Belə ki, bundan əvvəl Balabəy Ağayev (60 kq) bürünc, Səid Mollayi (81 kq) gümüş medal əldə ediblər.

Qeyd edək ki, turnirdə ölkəmizi 13 cüdoçu təmsil edib.

Yarışa 58 ölkədən 350-dən çox cüdoçu qatılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin