On bir ayda 14 mindən çox kommersiya qurumu dövlət qeydiyyatından keçib

Cari ilin 11 ayında 14 min 259 kommersiya qurumu dövlət qeydiyyatından keçib ki, bu da əvvəlki ilin müvafiq dövrü ilə müqayisədə 32,4 faiz çoxdur.
AZƏRTAC Dövlət Vergi Xidmətinə istinadla xəbər verir ki, kommersiya qurumlarının 72,1 faizi elektron qaydada, 27,9 faizi kağız daşıyıcılarda müraciətlər əsasında qeydə alınıb. Onlardan 19,4 faizinin ƏDV-nin məqsədləri üçün qeydiyyata alınması ilkin qeydiyyat proseduru çərçivəsində təmin olunub.
Yerli investisiyalı məhdud məsuliyyətli cəmiyyətlərin e-qeydiyyatının xüsusi çəkisi 94,8 faiz təşkil edib. Yeni qeydiyyat üsulunun (fin kod+mobil nömrə) ümumi qeydiyyatda xüsusi çəkisi 11,7 faiz, yerli investisiyalı məhdud məsuliyyətli cəmiyyətlərin qeydiyyatında isə 15,4 faiz olub.