“AID GROUP” xaricdə iş və təhsil mərkəzinin Gəncə şəhərində filialı istifadəyə verilib
Ağ Ev yaxınlığında güllələnən Milli Qvardiya əsgərinin vəziyyəti açıqlandı - Yenilənib
Azərbaycan Respublikasının Gənclər Fondunun maliyyə dəstəyi ilə həyata keçirilən “Daha Yaxşı Bir Sən” podkast layihəsi artıq başlayır!
Zakir Həsənovun yubileyidir
Azərbaycan Respublikasının müdafiə naziri general-polkovnik Zakir Həsənovun doğum günüdür.
“Qafqazinfo” xəbər verir ki, bu gün nazirin 65 yaşı tamam olur.
Ömrünün böyük hissəsini Azərbaycan ordusuna xidmətə həsr edən general 1959-cu ildə Astara rayonunda anadan olub. Əvvəllər hərbi sahədə bir sıra vəzifələrdə işləyən Zakir Həsənov 2013-cü ildə Azərbaycan Respublikasının müdafiə naziri təyin edilib.
Sözsüz ki, generalın ən böyük uğuru qalib ordunun naziri kimi yadda qalması oldu. Məhz Zakir Həsənovun dövründə 44 günlük Vətən Müharibəsi Azərbaycanın möhtəşəm qələbəsi ilə başa çatdı.
Müharibədən sonra dövlət başçısının sərəncamları ilə general-polkovnik Zakir Həsənov “Zəfər” ordeni, bir müddət sonra isə “Qarabağ” ordeni ilə təltif edilib.
Ümumilikdə isə Zakir Həsənov "Hərbi xidmətdə fərqlənməyə görə" 1-ci dərəcəli medalı, "Hərbi xidmətdə fərqlənməyə görə" 2-ci dərəcəli medalı, "Hərbi xidmətdə fərqlənməyə görə" 3-cü dərəcəli medalı və digər orden-medallarla mükafatlandırılıb.
