Tura “Qarabağ”ın qələbəsi ilə yekun vuruldu

Azərbaycan Premyer Liqasında IX tura yekun vurulub.

“Qafqazinfo” xəbər verir ki, “Qarabağ” “Sumqayıt”ın qonağı olub. Oyun meydan sahiblərinin 0:1 hesablı məğlubiyyəti ilə bitib.

Yeganə qolu 74-cü dəqiqədə Elvin Cəfərquliyev meydan sahiblərinin qapısından keçirib.

Bu qələbə Ağdam təmsilçisinə ölkə çempionatındakı 21-ci xalı qazandırıb. Turnir cədvəlinə “Qarabağ” başçılıq edir. “Sumqayıt” isə 7 xalla səkkizinci sırada qərarlaşıb.

Azərbaycan Premyer Liqası
9-cu tur
6 oktyabr

“Sumqayıt” – “Qarabağ” 0:1

Qeyd edək ki, turun əvvəlki matçlarında “Kəpəz” “Neftçi”ni 4:3, “Səbail” “Şamaxı”nı 2:0, “Turan Tovuz” isə “Zirə”ni 1:0 hesabı ilə məğlub edib. “Sabah” - “Araz-Naxçıvan” oyunu isə heç-heçə yekunlaşıb - 1:1.