Xəbər Lenti
Bugün, 12:47
Millət vəkili Pərvanə Vəliyeva Bakı Neft-Energetika Kollecində tələbələrlə görüş keçirdi
24-05-2026, 15:41
HƏP İdarə Heyətinin iclasında Prezident İlham Əliyevin siyasi kursunun uğurları geniş müzakirə edildi
24-05-2026, 14:07
23 may 2026-ci il tarixində "Unikal Xaricdə Təhsil və Hüquqi Konsaltinq Agentliyi"nin təşkilatçılığı ilə “Unikal Xaricdə Təhsil Forumu - 2026” keçirildi.
24-05-2026, 10:31
İspaniyada polislə “Sumud flotiliyası”nın fəalları arasında toqquşma - Saxlanılanlar var
22-05-2026, 13:42
İsmayıl Zalovun European Parliamentdə çıxışı iştirakçılar tərəfindən böyük maraq və yüksək qiymətləndirmə ilə qarşılanmışdır.
Tovuzda yeni rekord və antirekord
Misli Premyer Liqasının XXVIII turunun "Turan Tovuz” – "Qarabağ” oyununu 6500 tamaşaçı izləyib. Bu, Qərb təmsilçisi üçün çempionatdakı yeni rekorddur.
Qaynarinfo PFL-ə istinadən xəbər verir ki, 2022/23 mövsümündən Premyer Liqada çıxış edən Tovuz klubunun ev matçlarında bundan çox izləyici olmayıb. Əvvəlki qarşılaşmalarda rekord 6000-ə bərabər idi.
Bu göstəriciyə 3 dəfə təsadüf olunub. 2023-cü il oktyabrın 20-də (2:2), 2024-cü il martın 17-də (1:3) və noyabrın 1-də (0:0) "Qarabağ”a qarşı keçirilən görüşləri 6000 seyrçi izləyib.
"Qarabağ”ı qəbul edən "Turan Tovuz” həmçinin antirekordunu təkrarlayıb. Kurban Berdıyevin baş məşqçisi olduğu komanda 1:4 hesabı ilə uduzub.
Bu, Tovuz klubunun Premyer Liqadakı ən ağır ev məğlubiyyətinin təkrarıdır. Bunadək yalnız bir komanda səfərdə qərblilərə böyük hesabla qalib gəlmişdi. 2024-cü il aprelin 19-da "Sumqayıt” 4:1 hesablı qələbəyə sevinib.
"Turan Tovuz” həm də ev görüşündə buraxılan qol sayında antirekordunu təkrarlayıb. "Sumqayıt”dan sonra "Qarabağ” da Qərb səfərində 4 top vurub.
Bu oyun "Turan Tovuz” üçün həm də əlamətdar olub. Qərb təmsilçisi turnirdə 100-cü matçına çıxıb.
Premyer Liqada 3-cü mövsümünü keçirən Tovuz klubu yubiley oyununda "Qarabağ”a 1:4 hesabı ilə uduzub. Komanda 100 qarşılaşmada 34 qələbə qazanıb, 28 heç-heçə edib və 38 dəfə məğlub olub. Bu görüşlərdə 124 dəfə fərqlənən tovuzlular 135 qol buraxıb.
Tovuzdakı matç həm də meydan sahiblərinin 50-ci ev oyunu olub. 18 qələbə və 12 heç-heçəsi olan komanda 20-ci məğlubiyyətini alıb. 67 qol vuran "Turan Tovuz” 70 top buraxıb.
Qeyd edək ki, Premyer Liqada 2022/23 mövsümündə debüt edən Tovuz təmsilçisi ilk matçını 2022-ci il avqustun 8-də "Qəbələ”yə qarşı keçirib – 0:2.
