Xəbər Lenti
Bugün, 05:09
Prezident İlham Əliyev Davosda "Azərbaycan rəhbərliyi ilə səhər yeməyi" adlı tədbirdə iştirak edib
19-01-2026, 17:40
Vəhdət Partiyasından növbəti ictimai müzakirə: 20 Yanvar şəhid ailələri və gözüyaşlı anaları ilə geniş görüş
19-01-2026, 16:22
“Avtopilot” MMC-nin rəhbəri İqrar Həsənov: 20 Yanvar – Milli yaddaşın sarsılmaz sütunu
19-01-2026, 07:46
Hüquqi şəxslərin dövlət reyestrinin aparılması, istifadəsi və mühafizəsi qaydaları təsdiqlənib
Berezutski "Sabah"da qalacaqmı? - "Hər şey üzdədir"
"Möhtəşəm oyun alındı. Hər iki komandaya alqış düşür. Hər iki tərəf qalib gəlməyə çalışırdı. Amma bu gün daha yaxşı oynayan tərəf bizik deyə qalib olduq".
Teleqraf xəbər verir ki, bunu "Sabah" klubunun idman direktoru İqor Ponomaryov finalda "Qarabağ"ı əlavə vaxtda 3:2 hesabı ilə məğlub edərək, Azərbaycan Kubokunu qazanmalarını şərh edərkən deyib.
Olimpiya çempionu layiqli qələbə qazandıqlarını bildirib: "Daha çox qol vurduq və layiqincə qalib gəldik. Bütün azarkeşlərimizi kubok və Avropa Liqasına vəsiqə qazanmağımız münasibətilə təbrik edirəm. Birinci kubokumuzdur. Ümid edirik ki, bu, sonuncu titulumuz olmayacaq”.
Klub rəsmisi baş məşqçi Vasili Berezutskinin "Sabah"dakı gələcəyi barədə də danışıb: "Hər şey üzdədir. O, kubok qazandı. Bu, böyük işdir”.
Ponomaryov komandanın gücləndiriləcəyini bildirib: "Əlbəttə, yeni nəfəs hər zaman komandanı gücləndirir. Bəzi oyunçuların müqavilələri bitir. Onlarla davam edib-etməyəcəyimizi zaman göstərəcək”.
