“Fənərbaxça” onu heyətinə qatdı
Mövsümün ortasında heyətini gücləndirməyə davam edən “Fənərbaxça” Entoni Musabadan sonra daha bir böyük transferə imza atıb.
“Qafqazinfo” xəbər verir ki, İstanbul təmsilçisi İtaliyanın “Latsio” klubundan Matteo Qenduzinin transferini rəsmiləşdirib.
Fransalı yarımmüdafiəçinin yanvarın 8-i saat 13:30-da İstanbula çatacağı gözlənilir.
Qeyd edək ki, “sarı-lacivərdlilər”in əsas məqsədi 26 yaşlı futbolçunu “Qalatasaray”a qarşı keçiriləcək Türkiyə Super Kubok finalına çatdırmaqdır.
Xatırladaq ki, Qenduzi bu mövsüm “Latsio” forması ilə çıxdığı 16 matçda 2 qol və 1 məhsuldar ötürmə ilə yadda qalıb.
