Menu
Xəbər Lenti
29 Ock 10:35Manşet / İdman

AFFA "Qarabağ" və "Neftçi"ni cərimələdi

AFFA Qarabağ və Neftçini cərimələdi

AFFA İntizam Komitəsi Azərbaycan Premyer Liqasının XVII turunda baş verənlərlə bağlı qərar verib.

Oxu.Az xəbər verir ki, bu barədə AFFA-nın rəsmi saytı məlumat yayıb.

"Qarabağ" "Kəpəz"lə görüşdə meydançaya kənar şəxs daxil olduğu üçün 2 500 manat cərimələnib. "Neftçi" komandası "Zirə" ilə matçda oyun günü planı pozulduğuna görə 2 000 manat məbləğində ziyana düşüb.

Bundan əlavə, "İmişli" "Araz-Naxçıvan"la matçda altı nəfər sarı vərəqə aldığı üçün 700 manat ödəməli olacaq. "Araz-Naxçıvan"ın isə dörd futbolçusu sözügedən oyunda sarı vərəqə aldığından eyni cəzaya məruz qalıb.

"Sabah" klubu isə "Karvan-Yevlax"la oyunda beş futbolçusu sarı vərəqə aldığı üçün 700 manat məbləğində cərimələnib.