Avropa liderləri Kiyevdə - Foto

Avropa Komissiyasının Prezidenti Ursula Fon der Lyayen növbəti dəfə Kiyevə səfər edib.

“Qafqazinfo” xəbər verir ki, bu barədə o, “X” hesabında paylaşım edib.

“Müharibə dövründə Ukraynaya 11-ci səfərimdə Kiyevə gəldim. Bu, xüsusi bir andır. Ukrayna hərbi potensialının gücləndirilməsi baxımından böyük tərəqqiyə nail olub. Vəziyyət dəyişir. Müdafiə sənayelərimizi inteqrasiya etmək üçün yeni təşəbbüslər elan edəcəyəm. Bu bizə silahları daha çox və daha sürətlə istehsal etməyə imkan verəcək. Biz həmçinin Ukraynanın Avropa İttifaqına daxil olması prosesini və qarşıdan gələn qışa hazırlıqları müzakirə edəcəyik”, - paylaşımda deyilir. 

Bundan başqa, Ursula fon der Lyayenlə yanaşı Moldova Prezidenti Maya Sandu, Rumıniya lideri Nikuşor Dan, Sloveniyanın Baş naziri Yanez Yanşa, Monteneqro Prezidenti Yakov Milatoviç və Serbiya lideri Aleksandr Vuçiç də Ukraynaya səfər ediblər. 

Qeyd edək ki, bu gün Ukraynada Dövlətçilik Günü qeyd olunur.