Səttar Möhbalıyev: “Prezident İlham Əliyevin 2-ci Şuşa Forumunda səsləndirdiyi fikirlərdə dünyanın siyasi gələcəyi üçün önəmli mesajlar var”
Türkiyə Təhlükəsizlik Şurası Azərbaycan-Ermənistan normallaşma prosesini müzakirə edəcək
İqbal Əbilovun həbs detalları məlum oldu: Ermənistanla gizli Skype sövdələşmələri...
Ermənistanla 500 milyonluq silah müqaviləsi: "İran diplomatiyası yalan üzərində qurulub"
Tovuz istiqamətində kəşfiyyat uçuşu edən Ermənistan PUA-sı ərazidən uzaqlaşdırıldı
Sabirabadda "Şagirdlər arasında Ana dilinin saflığının qorunmasına dair təşəbbüslər" layihəsi ilə bağlı tədbir keçirilib
İfadə vermək üçün Bakıya gətirilən rəis işdən çıxarılıb - Vəzifəsi Pərviz Qədirova tapşırılıb
Ayxan Hacızadə: Ermənistana edilən hərbi yardım bölgədə destruktiv fəaliyyətə xidmət edəcək
“Bitki və Göbələklərin Toplanması üzrə Elmi Bəyannamə 2030” adlı məqalə dərc olunub
AR ETN Botanika İnstitutunun baş direktoru, professor Səyyarə İbadullayeva və Mikologiya və ibtidai bitkilər şöbəsinin müdiri biologiya elmləri doktoru, dosent Dilzarə Ağayevanın həmmüəllifi olduğu “The 2030 Declaration on Scientific Plant and Fungal Collecting” (Bitki və Göbələklərin Toplanması üzrə Elmi Bəyannamə 2030) adlı məqalə nüfuzlu “Plants, People, Planet” jurnalında dərc edilib. Bu bəyənnamənin tərkib hissələri Kral Botanika Bağlarında (Kyu, Böyük Britaniya) 2023-cü ildə keçirilmiş “Dünya bitki və göbələklərinin vəziyyəti” adlı beynəlxalq simpozium zamanı müəyyən edilmiş, bir sıra plenar və seksiya iclaslarında geniş müzakirə olunmuş və məqalə şəkilində tərtib edilmişdir. Məqalənin hazırlanmasında 47 fərqli təşkilatdan tədqiqatçılar iştirak edib.
Bəyənnamədə dünyanın flora və funqa müxtəlifliyini kataloqlaşdırmaq, əməkdaşlıq səmərəliliyini maksimallaşdırılmaq, bilik mübadiləsini asanlaşdırmaq və bərabərhüquqlu əməkdaşlığı təşviq etmək üçün aşağıda qeyd edilən beş öhdəlik nəzərdə tutulur: 1) sübuta əsaslanan toplama strategiyalarından istifadə; 2) yerli imkanların gücləndirilməsi; 3) taksa və fənlər üzrə əməkdaşlıq; 4) gələcək üçün toplamaq; 5) faydaların paylanması. Beynəlxalq, regional, milli və yerli səviyyələrdə keçirilən botaniki və mikoloji tədbirlərdə bu öhdəliklərin təşviqi üzrə səylərin genişləndirilməsi tövsiyyə edilir.
Qeyd edək ki, jurnalın qayəsi müxtəlif sahələr üzrə yeni, maraqlı və innovativ bitki yönümlü tədqiqatları vurğulamaq və müzakirə etmək üçün forum təqdim etməkdir. 2022-ci il üçün bu jurnalın Scopus bazası üzrə göstəricisi 8.5, Clarivate bazacı üzrə impakt faktoru 5.1, istinad göstəricisi 1.13 kimi qeyd edilmişdir.
AR ETN Botanika İnstitutu
Bakı şəhəri
25 mart 2024-ci il