“İsrail İranın nüvə obyektlərinə zərbəyə hazırlaşır”

“İsrail Silahlı Qüvvələri Vaşinqton və Tehran arasında danışıqlara baxmayaraq, İranın nüvə infrastrukturuna zərbə endirməyə hazırlaşır”.

“Qafqazinfo” xəbər verir ki, bu barədə CNN telekanalı ABŞ-nin hakim dairələrindəki mənbələrə istinadən məlumat yayıb.

“İsrailin İranın nüvə obyektlərinə zərbə endirmək ehtimalı son aylarda əhəmiyyətli dərəcədə artıb və ABŞ ilə İran arasında Tehranın bütün urandan imtina etməyəcəyi bir sazişin bağlanması perspektivi bu zərbənin ehtimalını artırır”, - telekanalın məlumatında deyilir.

Mənbələr İsrail iqtidarının hücumla bağlı yekun qərar verib-vermədiyini bilmir.

Xatırladaq ki, ABŞ və İran arasında Tehranın nüvə proqramı ətrafında fikir ayrılıqlarının həlli üzrə dörd raund danışıqlar baş tutub.