Xəbər Lenti
25-07-2024, 19:41
Səttar Möhbalıyev: “Prezident İlham Əliyevin 2-ci Şuşa Forumunda səsləndirdiyi fikirlərdə dünyanın siyasi gələcəyi üçün önəmli mesajlar var”
25-07-2024, 19:09
Türkiyə Təhlükəsizlik Şurası Azərbaycan-Ermənistan normallaşma prosesini müzakirə edəcək
25-07-2024, 19:05
İqbal Əbilovun həbs detalları məlum oldu: Ermənistanla gizli Skype sövdələşmələri...
25-07-2024, 18:51
Ermənistanla 500 milyonluq silah müqaviləsi: "İran diplomatiyası yalan üzərində qurulub"
25-07-2024, 18:46
Tovuz istiqamətində kəşfiyyat uçuşu edən Ermənistan PUA-sı ərazidən uzaqlaşdırıldı
25-07-2024, 18:18
Sabirabadda "Şagirdlər arasında Ana dilinin saflığının qorunmasına dair təşəbbüslər" layihəsi ilə bağlı tədbir keçirilib
24-07-2024, 13:56
İfadə vermək üçün Bakıya gətirilən rəis işdən çıxarılıb - Vəzifəsi Pərviz Qədirova tapşırılıb
23-07-2024, 12:23
Ayxan Hacızadə: Ermənistana edilən hərbi yardım bölgədə destruktiv fəaliyyətə xidmət edəcək
Mingəçevir Dövlət Universitetində “İnformasiya təhlükəsizliyi günləri” keçirilir
![Mingəçevir Dövlət Universitetində “İnformasiya təhlükəsizliyi günləri” keçirilir Mingəçevir Dövlət Universitetində “İnformasiya təhlükəsizliyi günləri” keçirilir](/uploads/posts/2022-11/1669564818_mdu_seminar_271122_4.jpg)
Mingəçevir Dövlət Universitetində (MDU) 30 Noyabr - Beynəlxalq İnformasiya Təhlükəsizliyi Günü münasibətilə “İnformasiya təhlükəsizliyi günləri”nə (İTG) start verilib.
Universitetdən verilən məlumata görə, cari ilin noyabrın 24-25-də İTG çərçivəsində MDU-da tələbələrin elmi-praktiki seminarı keçirilib.
Seminarın açılışında universitetin elmi işlər üzrə prorektor əvəzi Veysəl Əyyubov, Mühəndislik fakültəsinin dekan əvəzi Almaz Əliyeva və Elm və innovasiyalar şöbəsinin müdiri Vüqar Mustafayev çıxış ediblər. Açılış nitqlərində informasiya təhlükəsizliyinin aktuallığından, bu sahədə müasir tələblərə uyğun mütəxəssislərə ehtiyacın artmasından və kadr hazırlığının keyfiyyətinin yüksəldilməsi məsələlərindən bəhs edilib, seminarın önəmi vurğulanıb.
İnformasiya təhlükəsizliyinə həsr olunmuş videoçarx izlənildikdən sonra seminarda məruzələr dinlənilib.
Seminarın ilk günündə MDU-nun Mühəndislik fakültəsinin tələbələrindən İlman Əliyev “Kiber və şəbəkə təhlükəsizliyi texnologiyalarının üstünlükləri və çatışmazlıqları, Fidan Əliyeva “E-ticarət üçün təhlükələr”, Zaur Səfizadə “Ortada Adam Hücumu (Man in the Middle attack - MITM) və aşkarlanma mexanizmi”, Aygün Məlikova “Kibertəhlükəsizlik: texnologiyaları, tətbiq sahələri və inkişafı” və İlahə Balakişiyeva “Sosial şəbəkələrdə gizlilik və təhlükəsizlik problemləri” mövzusunda çıxış ediblər.
Noyabrın 25-də keçirilən növbəti seminar günündə həmin fakültənin tələbələrindən Məleykə Mahmudlu “Rəqəmsal imza: imkanları və perspektivləri, Nihat Xəlilov “Bulud texnologiyalarında istifadə olunan təhlükəsizlik alətləri”, Rəhman Əliyev “Kiber Təhlükəsizlik Sertifikatları və siyasətləri”, Ruhiyyə Məmmədova “Təhlükəsizlik risklərinin təhlili” və Ülviyyə Əhmədova “Təhlükəsizlikdə Haker anlayışı, növləri, üstünlüklər və çatışmazlıqlar” mövzusunda məruzələrini təqdim ediblər.
İştirakçılar tərəfindən maraqla qarşılanan seminarda məruzələr ətrafında müzakirələr aparılıb və təqdim edilən suallar cavablandırılıb. Müzakirələrdə MDU-da cari tədris ilində qonaq alim kimi fəaliyyət göstərən Türkiyənin Qazi Universitetinin Texnoloji fakültəsinin Kompüter mühəndisliyi ixtisası üzrə dosenti Sinan Toklu, Veysəloğlu Şirkətlər Qrupunun İT Əməliyyatları üzrə bölgə müdiri və MDU məzunu Rəşad Salehov iştirak edib və tələbələrə müvafiq tövsiyələrini bildiriblər.
Qeyd edək ki, MDU-da İTG çərçivəsində müxtəlif formatlı tədbirlərin keçirilməsi nəzərdə tutulub.