Azərbaycanın Əməkdar artisti reanimasiyaya yerləşdirildi

Azərbaycanın Əməkdar artisti Yaqub Zurufçu koronavirusa yoluxub.
Bu barədə Oxu.Az-a onun həyat yoldaşı Aynur Zurufçu məlumat verib.
O bildirib ki, 65 yaşlı Y. Zurufçu bir həftə əvvəl koronavirusa yoluxub və “Yeni Klinika”ya köçürülüb:
“Hazırda onun vəziyyəti ağırdır. Analizin cavabı pozitiv çıxandan sonra xəstəxanaya yerləşdirilib. Bir həftə palatada saxlanıldı. Lakin vəziyyəti ağırlaşdığı üçün reanimasiyaya yerləşdirilib. Dünən axşamdan etibarən reanimasiya şöbəsində həkimlərin nəzarətindədir. Yaqub bəyin ürəyi zəifdir, hər kəsin onun üçün dua etməsini istəyirəm. Biz inanırıq ki, o sağalacaq”.
Könül Cəfərli