Bakıda özünü ağaca bağlayaraq yandıran şəxsin kimliyi açıqlandı

Yanvarın 19-da, saat 20 radələrində 1959-cu il təvəllüdlü Nadir Həşimovun özünü məftil ilə ağaca bərkidib yandıraraq öldürməsi faktı ilə bağlı hazırda Xətai Rayon Prokurorluğunda araşdırma aparılır.
“Qafqazinfo” xəbər verir ki, bu barədə sosial şəbəkələrdə yayılmış videogörüntülərlə bağlı daxil olmuş sorğuya cavab olaraq Baş Prokurorluğun Mətbuat xidmətindən bildirilib.
Araşdırma zamanı Nadir Həşimovun meyiti xarici və daxili müayinə olunub, meyitin üzərində yanıq xəsarətlərindən başqa hər hansı kənar xəsarət aşkar olunmayıb.
Hazırda araşdırma davam etdirilir, ictimaiyyətə əlavə məlumat veriləcək.
Həmçinin oxuyun: Marketin qabağında özünə benzin vurub yandırdı