Xəbər Lenti
Eriksendən xəbər var
3-12-2021, 09:08

Eriksendən xəbər var

17 noy 08:39Gündəm / Maraqlı

Şəhər səs-küyünün insan sağlamlığına təsiri açıqlanıb

Daim artan şəhər səs-küyü insan sağlamlığına mənfi təsir göstərir.
Bu barədə Rusiyanın İ.İ.Meçnikov adına Şimal-Qərb Dövlət Tibb Universitetinin kommunal gigiyena kafedrasının müdiri Kirill Fridman xəbərdarlıq edib.
Onun sözlərinə görə, insanlar şəhərin səs-küyünün bədənə, tikililərə, körpülərə, abidələrə nə qədər təsir etdiyini bilmədən onlara alışırlar. Qəbul edilən göstəricilərin səviyyəsindəki dəyişikliklərə şəhər əhalisi nadir hallarda fikir verir. Eyni zamanda, səs-küy elektromaqnit və radiasiya emissiyaları ilə yanaşı ətraf mühiti çirkləndirən amillərdən biridir.
Ekspert qeyd edib ki, daim yüksək səs-küy səviyyəsi təkcə eşitmə orqanlarını təsir etmir. “Sinir sistemi vasitəsilə daimi səs-küyə məruz qalma nevrozlara, psixi vəziyyətin gərginləşməsinə səbəb olur”, - həkim səs-küydən yaranan xəstəlikləri sadalayarkən bildirib.
O əlavə edib ki, bu, həm də ürək-damar xəstəliklərinə, hipertoniyaya və hətta miyokard infarktına səbəb ola bilər.
Səs-küyün əsas mənbəyi şəhər nəqliyyatıdır.
O, həkimlərin səs-küylü yerlərdən mümkün qədər uzaq durmaq tövsiyələrini xatırladıb. Ekspert həmçinin mənzillərdə səs izolyasiyası quraşdırılmasını məsləhət görüb.
Mənbə:Oxu.Az