Bakıda avtomobil piyadaya xəsarət yetirdi

Bakının Sabunçu rayonunda piyadanın vurulması ilə nəticələnən yol-nəqliyyat hadisəsi baş verib.
Hadisə Bakıxanov qəsəbəsi, Yavər Əliyev küçəsində qeydə alınıb.
Belə ki, 90-ZR-913 dövlət nömrə nişanlı "Hyundai" markalı avtomobilin sürücüsü idarəetməni itirərək, piyada keçidindən keçən qadını vurub. Piyada xəsarət alıb. O, təcili tibbi yardım avtomobili ilə xəstəxanaya çatdırılıb.
Hadisə yerinə polis əməkdaşları cəlb edilib. Avtomobil cərimə meydançasına yerləşdirilib.
Hadisənin təfərrüatı araşdırılır.