Azərbaycanın Quba rayonuna eko-tur təşkil olunub
Azərbaycan Dillər Universitetinin (ADU) Təhsil-2 fakültəsinin 118a,b 121b, 127a,b və Tərcümə fakültəsinin 230a və 249c qrup tələbələrinə Fəlsəfə və ictimai elmlər kafedrasının baş müəllimi Sevda Tağıyeva və dosent Şükufə Cabarovanın rəhbərliyi və Pakistan Səfirliyinin təcrübəçisi Vüsal Hümbətzadənin iştirakı ilə Quba rayonuna eko-tur təşkil olunub.
Təşkil olunan tur Qubanın Qəçrəş və Təngəaltı istirahət zonalarında aparılıb. Eko-tur zamanı tur rəhbərləri və tələbələr arasında ekologiyanın çirkləndirilməsi ilə bağlı müzakirələr aparılıb.
Daha sonra Quba Soyqırımı Memorial Kompleks muzeyinə ekskursiya edilib.
Muzeydə 1918-ci ildə bolşevik-erməni silahlı dəstələrinin Azərbaycan torpaqlarında həyata keçirdikləri kütləvi qırğınlar nəticəsində həlak olan on minlərlə azərbaycanlının xatirəsinə anılıb.
