Maska rejimi tezliklə ləğv olunsa da, maska taxmaq tövsiyə olunur - Nazir

Azərbaycanda koronavirusla bağlı vəziyyət nəzarət altındadır.

Bunu səhiyyə naziri Teymur Musayev deyib.

"Əhalidə immunitet yaranıb və vəziyyət nəzarət altındadır. Yoluxma sayı da xəstəxanaya yerləşdirilmə sayı kimi azalmaqdadır", - nazir deyib.

O qeyd edib ki, maska rejimi tezliklə ləğv olunsa da, maska taxmaq tövsiyə olunur.

T.Musayev əlavə edib ki, payız yaxınlaşdıqca daha ehtiyatlı olmaq lazım gələcək, belə ki, koronavirusun yeni ştamlarının yaranması mümkündür.