Almaniyada bir pediatr 130 cinsi cinayətə görə mühakimə olunacaq

Almaniyanın Brandenburq əyalətində çalışan 45 yaşlı həkim uşaqlara qarşı cinsi cinayətlər ittihamı ilə 130 ayrı iş üzrə məhkəmə qarşısına çıxacaq.

“Qafqazinfo” “The Straits Times”a istinadən xəbər verir ki, həkimə qarşı “ağır uşaq istismarı” və “zorlama”ya dair ittihamlar irəli sürülüb.

Bildirilib ki, həmin həkim Rathenov və Nauen şəhərlərindəki xəstəxanalarda çalışıb.

İddialara əsasən, cinayətlərin böyük hissəsi onun iş başında olduğu dövrdə baş verib.

Prokurorluğun hazırladığı ittiham aktında hadisələrin 2013-2025-ci illər arasında baş verdiyi qeyd olunub.

Məlumata görə, həkim 2025-ci ilin noyabr ayında bir uşağın anasının şikayətindən sonra saxlanılıb və həmin vaxtdan həbsdədir.

Hazırda Brandenburq polisi və Potsdam Prokurorluğu yeni qurbanların olub-olmadığını araşdırır.