23 gün komada olan iranlı futbolçu dünyasını dəyişdi

Hava çox isti olduğundan oyun zamanı ürəyi dayanan iranlı futbolçu 23 gün komada qaldıqdan sonra ölüb.
ISNA xəbər verir ki, bu, Abadanın "Kiyanuş" klubunun futbolçusu Hesam Nejad Yusefidir.
Klubun baş məşqçisi Ebadi xəbəri təsdiqləyib.
Heşam Nejad Yusefinin halı "Kiyanuş" və "Pədide" komandaları arasında oyunda pisləşib. 
Stadionda təcili yardım və tibbi ləvazimatlar olmadığına görə, tibbi müdaxilə vaxtında edilməyib.
Futbolçu 23 gün komada qaldıqdan sonra bu gün xəstəxanada dünyasını dəyişib.