“Qarabağ” Abbasın gedişini təsdiqlədi - Rəsmi

“Qarabağ” futbolçusu Abbas Hüseynovla yollarını ayırıb.

“Qafqazinfo” xəbər verir ki, bu barədə klubun Mətbuat xidməti məlumat yayıb.

Bildirilib ki, 2017-ci ildə “Qarabağ”a keçən müdafiəçi ilə müqaviləyə qarşılıqlı razılıq əsasında xitam verilib. 

O, komanda ilə birlikdə 7 dəfə Azərbaycan çempionu, 2 dəfə ölkə kubokunun qalibi olub.

Xatırladaq ki, bundan əvvəl Ağdam klubunun əvəzedici komandasının baş məşqçisi Maksim Medvedev AZƏRTAC-a açıqlamasında onun klubla əlaqəsini kəsdiyini bildirmişdi.