Amerikalıların əksəriyyəti 2023-cü ildə ABŞ-ın iqtisadi çətinliklərlə qarşılaşacağını gözləyir

023-cü ildə amerikalıların əksəriyyəti ABŞ-da iqtisadi çətinliklər, ölkə daxilində siyasi münaqişələr və beynəlxalq aləmdə fikir ayrılıqları gözləyirlər.

AZƏRTAC xəbər verir ki, bu barədə “Gallup” sosioloji xidmətinin dərc etdiyi sorğunun nəticələrində qeyd olunub.

“Bir neçə çətin ildən sonra amerikalılar 2023-cü ilə ABŞ üçün əsasən qaranlıq bir perspektivlə qədəm qoyurlar”, - “Gallup”un veb-saytında dərc edilən məqalədə deyilir. Sorğuya görə, ölkədə hər 10 nəfərdən təxminən 8-i bu il iqtisadi çətinliklər, vergi artımı və büdcə kəsirinin artacağını gözləyir. Respondentlərin 60 faizdən çoxu birjada qiymətlərin daha da artacağını və ya düşəcəyini proqnozlaşdırır, təxminən yarısı işsizliyin yüksələcəyini ehtimal edir. Bununla yanaşı, ölkə sakinlərinin 90 faizi 2023-cü ilin ABŞ-da siyasi qarşıdurmalar ili olacağına inanır, respondentlərin 72 faizi cinayətkarlığın artacağını, 56 faizi həmkarlar ittifaqları tərəfindən təşkil edilən çoxlu sayda tətillərin olacağını gözləyir.

Sorğu iştirakçılarının 85 faizi beynəlxalq münasibətlər baxımından yeni ilin fikir ayrılıqları ilə dolu olacağına inanır. Bundan əlavə, respondentlərin 64 faizi ABŞ və Rusiyanın dünyadakı təsirinin azalacağını, 73 faizi isə Çinin təsirinin artacağını proqnozlaşdırır.

Qeyd edək ki, sorğu ötən il dekabrın 5-dən 19-dək aparılıb. Araşdırmada neçə nəfərin iştirak etdiyi göstərilmir.

© Materiallardan istifadə edərkən hiperlinklə istinad olunmalıdır