Azərbaycanla Çin arasında strateji tərəfdaşlığın qurulması haqqında Birgə Bəyannamə qəbul olundu
Azərbaycan, Türkiyə və Pakistan rəhbərləri arasında üçtərəfli görüş keçirildi (YENİLƏNİB)
Botanika İnstitutu ilə Meyvəçilik və Çayçılıq Elmi Tədqiqat İnstitutunun birgə elmi tədqiqatları davam etdirilir
DİM sədri: "İbtidai sinifdə verilən bir sıra anlayışları heç bəzi müəllimlər başa düşmür"
Mingəçevirdə gəzinti qayığında partlayış - Xəsarət alanlar var
Dünən axşam saatlarında Mingəçevirdə gəzinti qayığında yanğınla müşayiət olunan partlayış baş verib.
“Qafqazinfo”nun məlumatına görə, qəza baş verən qayıqda 10 nəfər xəsarət alıb.
Goranboy rayon sakinləri 1982-ci il təvəllüdlü Şirinov Emil Arzu oğlu, 1987-ci il təvəllüdlü Əhmədova Kamilə Akif qızı, 2011-ci il təvəllüdlü Şirinov Həsən Emil oğlu, Ağdam rayon sakini Məhərrəmov Sahil Emin oğlu, 2018-ci il təvəllüdlü Xocalı rayon sakini Orucova Afət Seymur qızı, 1990-cı il təvəllüdlü Orucova Nəzakət Mərkəz qızı, 2014-cü il təvəllüdlü Orucov Əli Seymur oğlu və qayıqçı olmaqla 10 nəfər yaralanaraq xəstəxanaya yerləşdirilib.
Sakinlər bildiriblər ki, bu artıq Kür çayında 3-cü belə hadisədir.
***
TƏBİB-dən sorğumuza cavab olaraq bildirilib ki, Mingəçevirdə baş verən hadisə ilə əlaqədar saat 20:20 radələrində 10 nəfər (3-ü qadın cinsli, 7-si kişi cinsli) Mingəçevir Şəhər Mərkəzi Xəstəxanasının Təcili tibbi yardım şöbəsinə yerləşdirilib.
Yanıq xəsarətləri alan şəxslərə zəruri tibbi xidmətlər göstərilib. Vəziyyətləri qənaətbəxş hesab olunan 8 nəfər (3-ü qadın cinsli, 5-i kişi cinsli) ambulator müalicə üçün evə buraxılıb.
Hazırda 2 nəfərin (kişi cinsli) müalicəsi tibb müəssisəsinin müvafiq şöbələrində davam etdirilir. Vəziyyətləri stabildir.
***
Baş Prokurorluğun Mətbuat xidməti hadisə ilə bağlı məlumat yayıb.
Bildirilib ki, Mingəçevir şəhərində gəzinti qayığının yanması nəticəsində 10 nəfərin xəsarət alması faktı üzrə Mingəçevir şəhər prokurorluğunda araşdırma aparılır.