Xəbər Lenti
13-05-2026, 16:14
Vatikanın “Bambino Gesu” pediatrik xəstəxanasının nümayəndə heyəti Azərbaycan Tibb Universitetində olub
11-05-2026, 15:33
Deputat: "Azərbaycan iqtisadiyyatı qlobal və geosiyasi təhdidlər fonunda dayanıqlığını qoruyur"
10-05-2026, 17:09
Pakistan İslam Respublikasının Azərbaycandakı səfirliyində 10 may "Qələbə Günü" münasibətilə bayram tədbiri keçirildi.
10-05-2026, 16:06
ATU rəhbərliyi Heydər Əliyevin anadan olmasının 103-cü ildönümü münasibəti ilə Ulu Öndərin məzarını ziyarət edib
10-05-2026, 09:30
Azərbaycan-Ermənistan sərhədində delimitasiya üzrə işlər nə yerdədir? - Nazirdən AÇIQLAMA
10-05-2026, 09:22
Arzu Əliyeva ulu öndər Heydər Əliyevin anadan olmasının 103-cü ildönümü ilə əlaqədar paylaşım edib
10-05-2026, 09:05
Azərbaycan - Britaniya Peşəkarları Assosiasiyası ilə ATU arasında əməkdaşlıq genişlənir
10-05-2026, 08:57
Mehriban Əliyeva: "Dahi şəxsiyyətin nurlu, əziz xatirəsi qəlbimizdə daim yaşayacaqdır"
10-05-2026, 08:53
İlham Əliyev: "Ümummilli Lider Heydər Əliyev bugünkü Azərbaycanı görsəydi, şad olardı"
10-05-2026, 08:50
İlham Əliyev Heydər Əliyevin ömür yolundakı vacib məqamları əks etdirən videoçarx paylaşıb
9-05-2026, 19:04
Taleh Məmmədov: “Heydər Əliyev və müasir Azərbaycan modeli dövlətçilik strategiyasının müəllifi”
9-05-2026, 16:30
Xətai rayonunda Ümummilli lider Heydər Əliyevin anadan olmasının 103 illiyinə həsr olunmuş möhtəşəm konsert proqramı və atəşfəşanlıq təşkil olunub
Aİ Trampı razı salmaq üçün plan qurdu: "Apple" və "Meta" cərimələnəcək
Avropa İttifaqı (Aİ) ABŞ Prezidenti Donald Trampla münasibətləri gərginləşdirməmək üçün Rəqəmsal Bazarlar Aktı (DMA) çərçivəsində Apple və Meta şirkətlərinə daha kiçik məbləğdə cərimələr tətbiq etməyi qərara alıb.
Qaynarinfo xəbər verir ki, bu barədə "Financial Times" qəzeti məlumat yayıb.
Məlumatlı mənbələrin sözlərinə görə, Apple böyük ehtimalla cərimələnəcək və App Store qaydalarını dəyişdirməyə məcbur ediləcək. Söhbət proqram tərtibatçılarının istifadəçiləri platformadan kənar təkliflərə yönləndirməsinə qoyulan məhdudiyyətlərdən gedir.
Tənzimləyicilər həmçinin Apple-ın veb-brauzer seçim ekranının dizaynına dair başqa bir araşdırmanı da yekunlaşdıracaq, lakin bu dəfə əlavə sanksiyalar tətbiq edilməyəcək.
Meta da cərimələnəcək və şirkətin "ya razılaş, ya da ödə" modelini dəyişdirməsi tələb olunacaq. Hazırda bu sistem istifadəçiləri ya onların məlumatlarının izlənməsinə razılıq verməyə, ya da abunə haqqı ödəyərək məhsullardan reklamsız istifadə etməyə məcbur edir.
DMA-ya əsasən, texnologiya nəhəngləri ümumi qlobal dövriyyələrinin 10%-i həcmində cərimələnə bilərlər ki, bu da Apple və Meta üçün milyardlarla dollar demək olardı.
Lakin üç rəsmi şəxsin sözlərinə görə, Avropa Komissiyası daha kiçik cərimələr tətbiq etməyi planlaşdırır. Bunun səbəbi DMA-nın hələ yeni qüvvəyə minməsi və qəbul edilən qərarların məhkəmədə mübahisələndirilə biləcəyidir.
Bu tədbirlər Brüsselin DMA-nın icrasını təmin etmək cəhdlərinin bir hissəsidir. Qanunun əsas məqsədi texnologiya nəhənglərinin rəqəmsal iqtisadiyyatda dominantlığını məhdudlaşdırmaqdır. Bununla belə, Aİ Vaşinqtonla açıq qarşıdurmadan çəkinməyə çalışır.
Rəsmilərin bildirdiyinə görə, dekabrda fəaliyyətə başlayan yeni Avropa Komissiyası iri texnologiya şirkətlərinin qanunvericiliyə əməl etməsinə daha çox diqqət yetirir və milyardlarla avroluq cərimələr tətbiq etməyi prioritet hesab etmir.
Aİ tənzimləyiciləri həmçinin Apple-ın istifadəçilərə brauzer və axtarış sistemini dəyişməyə mane olduğu iddiası ilə bağlı araşdırmanı da bağlamağı planlaşdırır. Bu qərar, şirkətin Avropa qaydalarına uyğun bir sıra dəyişikliklər etməsindən sonra verilib.
Bununla belə, ABŞ texnologiya şirkətlərinə qarşı istənilən cərimə mənfi reaksiya doğura bilər. Donald Tramp daha əvvəl bu cür tədbirləri "vergi qoymaq forması" adlandırıb və IT şirkətlərinə qarşı sanksiyaları "beynəlxalq reketçilik"lə müqayisə edib.
"Bu, Avropa Komissiyası üçün həlledici sınaqdır. Amerika texnologiya şirkətlərinə təzyiqlərin artırılması transatlantik gərginliyi yüksəldə və ABŞ-ın cavab tədbirlərinə səbəb ola bilər. Bu isə Aİ üzvlərinə və Avropa biznesinə zərər verəcək", deyə cərimələrdən təsirlənəcək şirkətlərdən birinin nümayəndəsi bildirib.
ABŞ Prezidenti artıq xəbərdarlıq edib ki, amerikalı şirkətlərə rəqəmsal vergi tətbiq edən ölkələrə qarşı gömrük rüsumları tətbiq edə bilər.
Keçən ay yayılmış memorandumda Tramp bildirib ki, o, xaricdə ABŞ korporasiyalarının böyüməsinə mane olan vergiləri, tənzimləmələri və siyasətləri nəzərdən keçirəcək.
Rəsmi elan edilməzdən əvvəl dəyişikliklər edilə biləcək yekun qərarlar cümə günü Aİ nümayəndələrinə təqdim olunacaq.
Xatırladaq ki, Avropa İttifaqı ABŞ-ın avtomobil və avtomobil ehtiyat hissələrinin idxalına 25%-lik rüsum tətbiq etməsinə cavab olaraq, bütün üzv ölkələrin maraqlarını qorumaq üçün adekvat tədbirlər görməyi planlaşdırır.
Alpər
