Ağdaş şəhər 4 nömrəli uşaq bağçasında “Payız möcüzələri” adlı möhtəşəm tədbir keçirilib.
Yeni Azərbaycan Partiyası - Dünənin tarixi zərurətindən sabahın güclü Azərbaycanına doğru
KOTANAXR KƏNDİNİN TANINMIŞ SİMASI ƏLİ QARAKİŞİ OĞLUNUN ƏZİZ XATİRƏSİNƏ DƏRİN HÖRMƏTLƏ BAŞSAĞLIĞI
“Ağ pələng”in izi ilə - Prezident İlham Əliyev 43 illik siyasi irsə yeni məzmun qazandırır
4 saylı Magistral avtomobil yollarının istismarı MMC Müşfiq qəsəbəsində yol və infrastruktur problemlərinin həlli istiqamətində mühüm işlər görür
“Kibermühitdə bu günün şifrəli sirr tarixçəsi sabahın açıq kitabıdır” - DTX-nin rəis müavini
VƏTƏNPƏRVƏR İNSAN MEHMAN QƏHRƏMANOV: 17 NOYABR – MİLLİ DİRÇƏLİŞ, AZƏRBAYCAN XALQININ AZADLIQ DASTANI VƏ DÖVLƏTÇİLİK TARİXİNİN ŞANLI SƏHİFƏSİ
İcbari sığorta müqavilələri üzrə bildirişlər artıq “mygov” vasitəsilə də təqdim olunur
Gülnara Həmidova: Milli birliyin və qələbənin memarına səmimi təbrik

“Merhemet.tv” informasiya portalının rəhbəri, Azərbaycan Yazıçılar Birliyinin və Azərbaycan Jurnalistlər Birliyinin üzvü Gülnara Həmidova Prezident, Müzəffər Ali Baş Komandan cənab İlham Əliyevi ad günü münasibətilə səmimi-qəlbdən təbrik edib. Təbrikdə dövlət başçısının müdrik rəhbərliyi, prinsipial mövqeyi və xalqına sədaqətlə xidmət edən lider obrazı xüsusi vurğulanıb.
Gülnara Həmidova qeyd edib ki, cənab İlham Əliyevin rəhbərliyi ilə Azərbaycan son illərdə mühüm tarixi mərhələlərdən keçərək güclü, müasir və qalib dövlətə çevrilib. Siyasi sabitliyin möhkəmlənməsi, iqtisadi inkişafın davamlı xarakter alması, sosial rifahın yüksəldilməsi və beynəlxalq arenada ölkəmizin nüfuzunun artması Prezidentin məqsədyönlü və uzaqgörən siyasətinin real nəticələridir. Onun sözlərinə görə, bu uğurlar xalq–iqtidar birliyinin bariz nümunəsidir.
Təbrikdə Müzəffər Ali Baş Komandanın Vətən müharibəsində göstərdiyi qətiyyət və liderlik xüsusi ehtiramla xatırlanıb. Azərbaycanın ərazi bütövlüyünün bərpası, tarixi ədalətin təmin olunması və milli qürurun bərpa edilməsi cənab İlham Əliyevin iradəsi, xalqın birliyi və Ordumuzun şücaəti sayəsində mümkün olub. Gülnara Həmidova bildirib ki, bu tarixi Qələbə yalnız hərbi uğur deyil, həm də dövlətçilik tariximizdə yeni bir səhifədir.
Gülnara Həmidova Prezident İlham Əliyevin humanitar sahəyə, mədəniyyətə, ədəbiyyata və mediaya göstərdiyi diqqəti də yüksək qiymətləndirib. Onun sözlərinə görə, yaradıcı insanların fəaliyyətinə verilən dəstək, milli-mənəvi dəyərlərin qorunması və təbliği cəmiyyətin sağlam inkişafına mühüm töhfə verir. Media nümayəndələri üçün yaradılan əlverişli şərait isə söz azadlığı və peşəkar jurnalistikanın inkişafı baxımından mühüm əhəmiyyət daşıyır.
Təbrikdə eyni zamanda qeyd olunub ki, Prezident İlham Əliyevin sosial siyasəti daim insan amilini ön plana çəkir. Şəhid ailələri və qazilərə göstərilən diqqət və qayğı, regionların sosial-iqtisadi inkişafı, yeni infrastruktur layihələrinin həyata keçirilməsi ölkə vətəndaşlarının rifahına xidmət edir. Bu siyasət dövlətin gücünün onun vətəndaşlarına verdiyi dəyərdən qaynaqlandığını bir daha sübut edir.
Gülnara Həmidova təbrikinin sonunda cənab Prezidentə möhkəm cansağlığı, uzun ömür, ailə səadəti və ölkəmizin inkişafı naminə uğurlu fəaliyyət arzulayıb. O, Azərbaycan xalqının Prezidentinə olan etimadının sarsılmaz olduğunu və bu etimadın yeni-yeni nailiyyətlərlə doğruldulacağına inamını ifadə edib.
Eyni zamanda, Gülnara Həmidova Prezident İlham Əliyevi və dünya azərbaycanlılarını 31 Dekabr – Dünya Azərbaycanlılarının Həmrəyliyi Günü münasibətilə də təbrik edərək bildirib ki, bu əlamətdar gün milli birliyimizin, həmrəyliyimizin və ümumi gələcəyimizə olan inamımızın rəmzidir. Dövlət başçısının rəhbərliyi ilə bu həmrəylik daha da möhkəmlənir və Azərbaycanı daha parlaq sabaha aparır.
Yaşasın Prezidentim!
Merhemet.tv























































