“Venesuelaya qarşı əməliyyat hərbi əməliyyat deyil” - Marko Rubio

“Vaşinqtonun Venesuelaya qarşı əməliyyatı hərbi əməliyyat deyil, hüquq-mühafizə orqanlarının əməliyyatıdır”.

“Qafqazinfo” xəbər verir ki, bunu ABŞ dövlət katibi Marko Rubio “The Washington Post” qəzetinə deyib.

“Bu, fərqli idi. Bu, hüquq-mühafizə orqanlarının əməliyyatı idi”, - deyə siyasətçi bildirib.

O, Venesuela lideri Nikolas Maduroya qarşı Nyu-Yorkun Cənub Dairəsi üzrə ABŞ Rayon Məhkəməsində ittihamların irəli sürüldüyünü qeyd edib.

Bundan əlavə, nəşrin məlumatına görə, Pentaqon Konqresə Venesueladakı əməliyyat barədə yalnız əməliyyat başa çatdıqdan sonra məlumat verib.

Lakin Rubio qeyd edib ki, Ağ Ev Karakas əleyhinə hərbi əməliyyatları əlaqələndirmək vədini pozmayıb və “Ədliyyə Nazirliyini dəstəkləmək” üçün hərəkət edib.